रेडियो सिन्धुलीगढी, २५ साउन २०८३, सोमबार ।

सिन्धुलीको कमलामाई नगरपालिका ६ मा अवस्थिति गौमती माध्यमिक विद्यालयको प्राङ्गणमा संचालित १८ बर्ष मुनिको अन्तर विद्यालय स्तरीय भलिबल प्रतियोगिता “सिजन तीन” सम्पन्न भएको छ । “स्वास्थ्यका लागि खेलकुद, राष्ट्रका लागि खेलकुद” भन्ने मुल नाराका साथ गौमती बालक्लबद्धारा आयोजित प्रतियोगिता हिजो आईतबार सम्पन्न भएको हो ।

गत शुक्रबारबाट सुरु भएका प्रतियोगितामा गौमती मा.विको “ए” र “बि” टिम गरी दुई टिमको सहभागीता रहेको थियो भने अरु ९ वटा विद्यालयका ९ वटा टिम गरि जम्मा ११ वटा टिमको सहभागीता रहेको थियो ।

हिजो आईतबार आधुनिका बोर्डिङ स्कुल र गौमति मावि बिच फाइनल खेल भएको थियो । जसमा गौमति माविलाई हराउँदै आधुनिक बोर्डिङ स्कुल प्रथम भएको छ । प्रतियोगिताबाट सिद्धबाबा अंग्रेजी आवासिय माध्यमिक विद्यालय तृतीय भएको छ । प्रथम, द्धितीय र तृतीय भएका विद्यालयलाई ट्रफी, मेडल र प्रमाण पत्र प्रदान गरिएको थियो ।

स्थानीय स्तरमा खेलकुदको विकास, युवा प्रतिभाको पहिचान तथा विद्यार्थीहरूबीच भाइचारा अभिवृद्धि गर्ने उद्देश्यका साथ प्रतियोगिताको आयोजना गरिएको विद्यालयले जनाएको छ । प्रतियोगिता आयोजनाका लागी स्थानीय विभिन्न व्यावसायिक तथा सामाजिक संघ–संस्थाहरूले सहयोगीको रूपमा सहकार्य गरेका थिए । 
 

अध्यक्ष कप फुटबल प्रतियोगिता : आज भएको पुरुषतर्फको खेलमा वडा नम्बर ७ लाई हराउँदै वडा नम्बर ३ विजयी

रेडियो सिन्धुलीगढी, २९ वैशाख २०८३, मंगलबार । हरिहरपुरगढी गाउँपालिकामा गत आइतबारदेखि सुरु भएको छैटौँ अध्यक्ष कप फुटबल प्रतियोगिताअन्तर्गत आज

हरिहरपुरगढी गाउँपालिकामा छैठौ अध्यक्ष कप फुटबल प्रतियोगिता सुरु 

रेडियो सिन्धुलीगढी, २७ वैशाख २०८३, आईतबार । सिन्धुलीको हरिहरपुरगढी गाउँपालिकामा छैठौ अध्यक्ष कप फुटबल प्रतियोगिता सुरु भएको छ । आज (आईतबार) एक

१४ औँ जिल्ला स्तरीय राष्ट्रपति रनिङ्ग शिल्ड प्रतियोगिता बैशाख ८ देखि संचालन हुने

रेडियो सिन्धुलीगढी, २७ चैत २०८२, शुक्रबार । १४ औँ सिन्धुली जिल्ला स्तरीय राष्ट्रपति रनिङ शिल्ड प्रतियोगिता आयोजना हुने भएको छ । जिल्ला खेलकुद विकास