Radio Sindhuligadhi 92 MHz

मरिण गाउँपालिकाद्धारा १ सय ७९ जना छात्राहरुलाई साईकल वितरण

रेडियो सिन्धुलीगढी, १७ साउँन २०८१, बिहिबार ।

सिन्धुलीको मरिण गाउँपालिकाले शैक्षिक सत्र २०८० मा कक्षा ११ मा भर्ना भएका छात्राहरुलाई साईकल वितरण गरेको छ । हिजो बुधबार एक कार्यक्रमका बिच छात्रालाई साईकल वितरण गरेको हो ।

गाउँपालिकाले कपिलाकोट माध्यमिक विद्यालयमा भर्ना भएका १ सय २७ जना र खयरसाल मा.विमा भर्ना भएका ५२ जना गरि जम्मा १ सय ७९ जना छात्राहरुलाई साईकल वितरण गरेको छ । विद्यालय आवत जावत गर्न सहज होस् भन्ने उदेश्यले छात्राहरुलाई साईकल वितरण गरिएको गाउँपालिकाले जनाएको छ ।

साईकल वितरण कार्यक्रममा प्रतिनिधि सभा सदस्य लेकनाथ दाहाल (राजन), गाउँपालिकाका अध्यक्ष विर्मश मुक्तान, प्रमुख प्रशासकिय अधिकृत ओम बहादुर दर्जी, वडा अध्यक्षहरु लगायतको उपस्थिति रहेको थियो ।