रेडियो सिन्धुलीगढी, २४ वैशाख २०८१, सोमबार । 

बागमती प्रदेशमा आजदेखि तामाङ र नेपाल अर्थात नेवारी भाषा पनि सरकारी कामकाजको भाषाका रुपमा लागू भएको छ । यस अवसरमा सिन्धुलीमा अन्तरक्रिया कार्यक्रमको आयोजना गरिएको छ । नेवा: देय दवू सिन्धुलीका अध्यक्ष राज कुमार श्रेष्ठको अध्यक्षता तथा बागमती प्रदेश सभा सदस्य सुकुमाया तामाङको प्रमुख आतिथ्यतामा कार्यक्रमको आयोजना गरिएको हो ।

तामाङ र नेपाल अर्थात् नेवारी भाषा सरकारी कामकाजको भाषाको रूपमा प्रयोग गर्ने बागमती प्रदेश सरकारको निर्णय स्वागत योग्य रहेको बताउँदै प्रमुख जिल्ला अधिकारी भरत खनालले त्यसलाई कार्यान्वयनमा कसरी जाने भन्ने कुरा चुनौतीपुर्ण रहेको बताउँनु भयो ।

बागमती प्रदेश सभा सदस्य सुकुमाया तामाङले बागमती प्रदेशमा रहेका तामाङ तथा नेवार जातिका मानिसहरूले प्रयोग गर्ने मातृ भाषाको रूपमा रहेको नेपाल तथा तामाङ भाषालाई सरकारी कामकाजको लागि प्रयोगमा ल्याएपछि अब तामाङ तथा नेवार समुदायको बाक्लो बसोबास रहेको बागमतीको अधिकांश जिल्लामा कार्यसम्पादन गर्न थप सहजता हुने विश्वास व्यक्त गर्नु भयो । 

यसैबिच, तामाङ र नेपाल अर्थात नेवारी भाषा पनि सरकारी कामकाजको भाषाका रुपमा लागू भएका अवसरमा साझ कमलामाई नगरपालिका अगाडि जुनार स्तम्भमा दीप प्रज्जवलन  गरिएको छ । यसै अवसरमा आज बागमती प्रदेश सरकारले मातहतका सरकारी कार्यालयमा सार्वजनिक विदा  दिएको थियो । 

नेपाल तामाङ धेदुङ जिल्ला समन्वय समिति सिन्धुली तथा नेवा: देय दवू जिल्ला समन्वय समिति सिन्धुलीको आयोजनामा भएको कार्यक्रममा नेपाल तामाङ धेदुङका अध्यक्ष सुरद बहादुर तामाङ, नेवा देय दबु केन्द्रिय सदस्य बिमला कुमारी श्रेष्ठ लगायतको उपस्थिति रहेको थियो । 

युवा नागरिक स्कोर कार्ड कार्यक्रम शिद्धबाबा मा.वि पानीट्याङकीमा सम्पन्न

सिन्धुली । सिन्धुलीको कमलामाई नगरपालिका वडा नम्बर ६ मा रहेको शिद्धबाबा माध्यमिक विद्यालय पानीट्याङकीमा युवा नागरिक स्कोर कार्ड कार्यक्रम सम्पन्न

सुनकोसी गाउँपालिकामा एकिकृत घुम्ती शिविर सम्पन्न

रेडियो सिन्धुलीगढी, १ जेठ २०८१, मंगलबार ।  सिन्धुलीको सुनकोसी गाउँपालिकामा एकिकृत घुम्ती शिविर सम्पन्न भएको छ । चालु आर्थिक बर्ष २०८० / ८१ को

गोलन्जोर गाउँपालिका ३ कात्तिकेमा ट्याक्टर दुर्घटनामा हुँदा एक पुरुषको मृत्यु 

रेडियो सिन्धुलीगढी, १ जेठ २०८१, मंगलबार । सिन्धुलीको गोलन्जोर गाउँपालिका वडा नम्बर ३ कात्तिकेमा ट्याक्टर दुर्घटनामा हुँदा एक जना पुरुषको मृत्यु