रेडियो सिन्धुलीगढी, २ वैशाख २०८२, मंगलबार ।

सिन्धुली अस्पतालमा आजबाट निःशुल्क स्वास्थ्य शिविर सुरु भएको छ । नेपाल रेडक्रस सोसाइटी सिन्धुली जिल्ला शाखा, जिल्लाका ४२ वटा उपशाखाहरुको आयोजना तथा सिन्धुली अस्पतालको समन्वय र हेल्पिङ्ग ह्याण्डस हेल्थ एजुकेशन इन्टरनेशनलको सहयोगमा संचालन भएको शिविरको आज उद्घाटन गरिएको छ ।

नेपाल रेडक्रस सोसाइटी सिन्धुली जिल्ला शाखाका सभापती अशोक श्रेष्ठको अध्यक्षता तथा हेल्पिङ्ग ह्याण्डस हेल्थ एजुकेशन इन्टरनेशनलका अध्यक्ष नारायण श्रेष्ठको प्रमुख आतिथ्यतामा शिविरको उद्घाटन गरिएको थियो । 

शिविरको उद्घाटन समारोहमा प्रमुख जिल्ला अधिकारी लिला प्रसाद शर्मा, कमलामाई नगरपालिकाका नगर प्रमुख उपेन्द्र कुमार पोखरेल, निर्वतमान नगर प्रमुख खड्ग खत्री र वागमती प्रदेशका सहकारी तथा गरिवी निवारण मन्त्री मदु कुमार श्रेष्ठले शुभकामना मन्तव्य राखेका थिए ।

शिविरबाट स्त्री तथा प्रसुती रोग, दाँतको उपचार, नाक, कान, घाँटीको उपचार, आँखाको उपचार र जनरल फिजिसियन लगायतका सेवाहरु प्रदान गरिएको छ । शिविरको पहिलो दिन  ४ सय २३ जनाले सेवा लिएका छन् । 

जसमध्ये ६६ जनाको जनरल फिजिसियन सम्बन्धी चेकजाँच, ७१ जनाको त्री तथा प्रसुती रोग सम्बन्धी चेकजाँच, ७१ जनाको दाँतको उपचार, ७१ जनाको नाक, कान, घाँटीको उपचार र १ सय ४४ जनाको आँखा उपचार गरिएको रेडक्रस सोसाइटी सिन्धुली जिल्ला शाखाका सभापती अशोक श्रेष्ठले जानकारी दिनु भयो । 

शिविर भोलि र पर्सि पनि चल्ने भएकाले मौकाको फाईदा उठाई सेवा लिनुहुन उहाँले आग्रह पनि गर्नु भयो ।
 

मरिण ६ का २४ जना किशोरी किशोरीहरुले यौन तथा प्रजनन् स्वास्थ्य सेवा सम्बन्धी परामर्श लिए

रेडियो सिन्धुलीगढी, ०३ जेठ २०८२, शनिवार । सिन्धुलीको मरिण गाउँपालिका ६ का २४ जना किशोरी किशोरीहरुले यौन तथा प्रजनन् स्वास्थ्य सेवा सम्बन्धी

एकीकृत घुम्ती स्वास्थ्य शिविर मार्फत किशोर किशारीहरुलाई यौन तथा प्रजनन् स्वास्थ्य सेवा सम्बन्धी परामर्श प्रदान 

रेडियो सिन्धुलीगढी, ०२ जेठ २०८२, आईतवार । सिन्धुलीको मरिण गाउँपालिका वडा नम्बर ३ का ५१ जना किशोर किशारीहरुलाई यौन तथा प्रजनन् स्वास्थ्य सेवा

हरिहरपुरगढी गाउँपालिकामा निःशुल्क आँखा तथा दन्त शिविर सुरु 

सिन्धुली, २३ वैशाख २०८२, मंगलवार । सिन्धुलीको हरिहरपुरगढी गाउँपालिकामा निःशुल्क आँखा तथा दन्त शिविर सुरु भएको छ । गाउँपालिकाको वडा नम्बर ४ स्थित