Radio Sindhuligadhi 92 MHz

सिन्धुलीमा हायस दुर्घटना हुँदा १ जनाको मृत्यु

रेडियो सिन्धुलीगढी, ०४ माघ २०८१, शुक्रबार ।

सिन्धुलीको सुनकोसी गाउँपालिका ६ कानढुङ्ग्रीमा हायस दुर्घटना हुँदा एक जनाको मृत्यु भएको छ भने १२ जना घाइते भएका छन् । हिजो बिहिबार साँझ साढे ५ बजेको समयमा काठमाडौंबाट जनकपुर आउँदै गरेको बा ३ ख ८४४५ नम्बरको हायस पछाडिको टायर पन्चर भई दुर्घटना भएको थियो । दुर्घटनामा परि १३ जना घाईते भएका थिए

घाईते मध्ये धनुषाको जनकपुर उपमहानगरपालिका वडानम्बर १० का ५० वर्षीय निर्मल गुप्ताको मृत्यु भएको छ । गुप्ताको धुलिखेल अस्पतालमा उपचारको क्रममा मृत्यु भएको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिनुभयो ।

अन्य १२ जना घाईतेहरुको उपचार भईरहेको छ ।