Radio Sindhuligadhi 92 MHz

गोलन्जोर गाउँपालिका ३ कात्तिकेमा ट्याक्टर दुर्घटनामा हुँदा एक पुरुषको मृत्यु

रेडियो सिन्धुलीगढी, १ जेठ २०८१, मंगलबार ।

सिन्धुलीको गोलन्जोर गाउँपालिका वडा नम्बर ३ कात्तिकेमा ट्याक्टर दुर्घटनामा हुँदा एक जना पुरुषको मृत्यु भएको छ । हिजो सोमबार कात्तिकेबाट खोक्लिङ्ग जाने भित्री कच्ची सडक खण्डमा ग्वालटारबाट खोक्लिङ्ग जादै गरेको ना. ६ त २२२४ नं. को गिट्टी लोड गरेको ट्रयाक्टर अनियन्त्रित भई सडकबाट करिब १ सय २० मिटर तल खस्दाँँ एक पुरुषको घटनास्थलमै मृत्यु भएको हो ।

मृत्यु हुनेमा गोलन्जोर गाउँपालिका वडा नम्बर २ का ३१ बर्षिय रोशन बहादुर लामिछाने रहेका छन् । उनी दुर्घटना स्थलबाट ६० मिटर तल रुखमा अड्किएको अवस्थामा मृत फेला परेका थिए ।