Radio Sindhuligadhi 92 MHz

आगो निभाउने क्रममा जलेर एक वृद्धाको मृत्यु

सिन्धुली ।

सिन्धुलीको कमलामाई नगरपालिका १ खारखोलामा आगो निभाउने क्रममा जलेर एक वृद्धाको मृत्यु भएको छ । मृत्यु हुनेमा ८६ बर्षिया कृष्णमाया पौडेल रहेकी छन् ।

आज बिहिबार बिहान करिब ११ः३० को समयमा सुकेका झारपात, पतिङगर जलाउनको लागी उनले आफ्नै पाखोबारीमा आगो सल्काएकी थिइन् । आगो अन्यत्र जाने त्रासले निभाउन जाँदा बारीको डिलबाट चिप्लिएर आगो लागेको स्थलमा खस्दा जलेर उनको घटनास्थलमै मृत्य भएको वडा नम्बर १ का वडाध्यक्ष नरेश कुमार गोलेले जानकारी दिनु भयो ।

कृष्णमाया पौडेल हराएको केही समयपछी खोज्ने क्रममा शरीर, हात खुट्टा जलेको अबस्थामा फेला परेकी थिइन् । उनको शव जिल्ला अस्पतालमा पोष्टमार्टम पछि परिवालाई बुझाईएको छ ।