Radio Sindhuligadhi 92 MHz

बलेनी सामुदायिक बनमा लागेको आगो बस्तीमा फैलिदा लाखौको क्षति

रेडियो सिन्धुलीगढी, १२ वैशाख २०८१, बुधबार ।

सिन्धुलीको गोलन्जोर गाउँपालीकाको सामुदायिक जंगलमा लागेको आगो बस्तीमा फैलिदा लाखौको क्षति भएको छ । हिजो बेलुका ५ बजेको समयमा गाउँपालिकाको वडा नम्बर ६ गैरीगाउँ स्थित बलेनी सामुदायिक बनमा लागेको आगो बस्तीमा फैलिदा लाखौको क्षति भएको हो ।

आगोलागीबाट गैरीगाँउ बस्ने अन्दाजी ६७ बर्षीय बेद कोईरालाको ढुङ्गा माटो र काठले बनेको जस्ताले छाएको घर र गोठ जल्दा सात लाख बराबरको क्षति भएको छ ।
साथै, सोही ठाउँ बस्ने ६५ बर्षीय ईन्द्र लाल श्रेष्ठको खरले छाएको, ढुंगा, माटोले बनेको घर जल्दा चार लाख बराबरको क्षति भएको छ भने ४४ बर्षीय तिलक लाल श्रेष्ठको खरले छाएको, ढुंगा, माटो र काठले बनेको २ तले २ वटा घर जल्दा आठ लाख पचास हजार बराबरको क्षति भएको छ ।

बेलुका ५ बजे बस्तीमा पसेको आगो स्थानीय, प्रहरी र दमकलको सहयोगमा बेलुका ९.५० बजे पुर्ण रुपमा नियन्त्रणमा लिईएको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिनु भयो ।