Radio Sindhuligadhi 92 MHz

चार कोठे विद्यालय भवन तथा लैङ्गिकमैत्री र समावेशी शौचालय विद्यालयलाई हस्तान्तरण

रेडियो सिन्धुलीगढी, २० जेठ २०८३, बुधबार ।

२०८१ साल असोज १२ र १३ गते परेको अविरल वर्षासँगै आएको बाढीले बगाएको सुनकोसी गाउँपालिका १ दुम्जास्थित प्राथमिक विद्यालय नेपालथोकको नयाँ पक्की भवन निर्माण सम्पन्न भएको छ ।

प्लान इन्टरनेशनल नेपालको आर्थिक सहयोगमा सिन्धुली एकिकृत विकास समाज (सिड्स नेपाल)ले क्षतिग्रस्त विद्यालय भवन पुनर्निर्माण गरी व्यवस्थित शौचालयसहित सुनकोसी गाउँपालिका मार्फत विद्यालयलाई हस्तान्तरण गरेको हो ।

सिड्स नेपाल सिन्धुलीका अध्यक्ष दीपककुमार घिमिरेका अनुसार भ्याटसहित करिब १ करोड ३२ लाख रुपैयाँ लागतमा चार कोठे सुरक्षित विद्यालय भवन तथा लैङ्गिकमैत्री र समावेशी शौचालय निर्माण गरी विद्यालयलाई हस्तान्तरण गरिएको हो ।

बाढीले विद्यालय भवन पूर्ण रूपमा क्षति गरेपछि सुरुमा अस्थायी टहरो (टिएलसी) निर्माण गरेर पठनपाठन सञ्चालन गरिएको थियो । त्यसपछि स्थायी संरचना निर्माणको काम अघि बढाइएको सुनकोसी गाउँपालिकाले जनाएको छ ।

सुनकोसी गाउँपालिकाका अध्यक्ष दीपा बोहोरा दाहालले विपद्का कारण पालिकाभित्रका धेरै विद्यालयमा क्षति पुगेको बताउँदै दातृ निकायको सहयोगमा विद्यालय भवनहरू आधुनिक, सुरक्षित र आकर्षक बन्दै गएको बताउँनु भयोे ।

सुनकोसी गाँउपालिकाभर दुई बर्ष अगाडी रोशी र कोसीमा आएको बाढीले आसपासका अधिकांश विद्यालय भवन पुर्ण क्षति गरेको थियो । यसका अलवा पहिरोका कारण अन्र्य धेरै विद्यालय पुर्ण क्षति भएको र पुर्ननिर्माणका कामहरु हुदै आएको गाँउपालिकाले जनाएको छ ।