Radio Sindhuligadhi 92 MHz

उपभोक्ता अधिकारको संरक्षण , प्रवद्र्धन तथा कार्यान्वयनका लागि सधैं प्रतिबद्ध रहेको मन्त्री तामाङ को भनाई

उपभोक्ता अधिकारको संरक्षण , प्रवद्र्धन तथा कार्यान्वयनका लागि सधैं प्रतिबद्ध रहेको बागमती प्रदेश उद्योग वाणिज्य भूमि तथा प्रशासन मन्त्री सुकमाया तामाङले बताउनुभयो।

विश्व उपभोक्ता अधिकार दिवस को अवसरमा भएको एक कार्यक्रममा बोल्दै उहाँले यस्तो बताउनुभएको हो। मन्त्री तामाङले उपभोक्ता अधिकारको सम्मान गर्दै गुणस्तरीय , सुरक्षित र न्यायोचित मुल्यमा वस्तु तथा सेवा उपभोग गर्न पाउने हक प्रत्याभुत गराउनु राज्यको दायित्व भएको पनि बताउनुभयो ।
‘आजको युग डिजिटल र नवप्रवर्तनशील प्रविधिको युग हो, ,’ मन्त्री तामाङले भन्नुभयो( , ‘त्यसैले नेपालमा डिजिटल कारोबार तथा विद्युतीय सेवा प्रवाहलाई सुरक्षित , भरपर्दो र उपभोक्ता हितमैत्री बनाउनेतर्फ हाम्रो ध्यान केन्द्रित छ । ’
मन्त्री तामाङ्ले उपभोक्ता अधकारको प्रत्याभुति सुनिश्चित गर्ने कार्यमा सबैले आ–आफ्नो तर्फबाट सकरात्मक भुमिका निर्वाह गर्न व्यवसायी , उपभोक्ता अधिकारकर्मी , संघसंस्था तथा सरोकारहरुलाई आग्रह गरिन् ।
कार्यक्रममा ईन्द्रसरोवर गाउँपालिकाका उपप्रमुख उमा कुमारी लामाले गाउँपालिकामा प्राविधिक समाग्री नहुँदा अनुगमनमा समस्या हुने गरेको बताईन् ।
उद्योग परिसंघ बागमती प्रदेशका अध्यक्ष लेखराज पोखरेलले नीतिगत रुपमा गएर अध्ययन गर्नुपर्ने बताएका थिए । साथै उद्योग वाणिज्य बागमती प्रदेशका कोषाध्यक्ष कविराज खत्रीले मापदण्ड बनाएर काम गर्न आग्रह गर्दै सबैलाई समान अधिकार प्राप्त गरी लैजान मन्त्रालयलाई आग्रह गरे ।
कार्यक्रममा मन्त्रालयका उपसचिव सुनिता गजुरेलले कार्यपत्र प्रस्तुतीकरण गरेकी थिईन् । उनले मन्त्रालय अन्तर्गत निकायबाट यस आर्थिक वर्षमा ६१४ जना ब्यबसायीको अनुगमन गरिएको जानकारी गराईन् । उक्त अनुगमनका क्रममा ७ लाख ७२ हजार ९८१ बराबरको सामान नष्ट गरिएको र ११ लाख ८० हजार रुपैयाँ जरिवाना गरिएको उपसचिव गजुरेलले बताईन् । गजुरेलका अनुसार अनुगमनका क्रममा नुवाकोट जिल्लामा दर्ता नभई सन्चालन गरिएको दुईवटा अस्पताल बन्द गरिनुका साथै जरिवाना गरिएको छ ।
कार्यक्रममा उपभोक्ता हित संरक्षण मञ्चका केन्द्रिय उपाध्यक्ष अजय अधिकारीले उपभोक्ता अधिकार र बर्तमान बजारको अवस्थाका विषयमा प्रस्तुतीकरण दिएका थिए । साथै मकवानपुर चेम्बर अफ कमर्शका अध्यक्ष माधव न्यौपानेले पनि ब्यबसायीका तर्फबाट प्रस्तुतीकरण दिएका थिए ।
कार्यक्रममा सहभागी उपभोक्तकर्मीहरुले उपभोक्ता ठग्दा तत्काल जानकारी गाराउने निकाय नभएको भन्दै हटलाई नम्वरको ब्यबस्था गर्न मन्त्रालयलाई आग्रह गरिएको थियो । साथै साना ब्यबसायीहरुलाई अनुज्ञापत्र लिन झन्झटिलो प्रकृया रहेको र कागज पत्रका कारण काम रोकिने समस्या भएको भन्दै यस्मा पनि ध्यान दिन मन्त्रालयलाई आग्रह गरिएको थियो ।

सन् १९६२ मार्च १५ का दिन अमेरिकी राष्ट्रपति जोन एफ केनेडीले प्रस्तुत गरेको सुरक्षा, सूचना, छनोट र सुनुवाइलाई उपभोक्ताका चार अधिकारका रूपमा घोषणा गरिएपछि यसैको सम्झनामा यो दिवस मनाइँदै आइएको हो । त्यसपछि सन् १९८५ मा संयुक्त राष्ट्रसङ्घको साधारणसभाबाट थप आठ अधिकारसहितको अनुबन्ध पारित भएको थियो । त्यही आधारमा प्रत्येक राष्ट्रले उपभोक्ता कानुन जारी गरेका हुन् ।
नेपालमा उपभोक्ता संरक्षण ऐन, २०५४ को दफा ६ बमोजिम वस्तु वा सेवा खरिद वा उपभोग गर्ने प्रत्येक उपभोक्तालाई विभिन्न अधिकार प्रत्याभूति गरिएको भए पनि उपभोक्ता ती अधिकार प्रयोग गर्नबाट वञ्चित भएका छन् ।