रेडियो सिन्धुलीगढी, २१ चैत २०८१, बिहिबार ।

सिन्धुलीको दुधौली नगरपालिका ४ एकहटियामा मोटरसाइकल र ईभी गाडी ठोक्किँदा एक जनाको मृत्यु भएको छ भने नौ जना घाइते भएका छन् । बिहिबार बिहान ८ः२० बजेको समयमा उदयपुरबाट काठमाडौं जाँदै गरेको बा–प्र ०३–०१ ज ४४५ नम्बरको ईभी गाडी र डकाहाबाट दुधौलीतर्फ गइरहेको प्र २–०१– ००१–प ७०११ नम्बरको मोटरसाईकल एकआपसमा ठोक्किएको थियो ।

मोटरसाइकल र ईभी गाडी एकआपसमा ठोक्किँदा मोटरसाईकल चालक तीनपाटन गाउँपालिका १० औलडाँडाका २६ वर्षिय प्रेम राना मगरको मृत्यु भएको छ । उनको नगर अस्पताल, सिर्थौलीमा उपचारको क्रममा मृत्यु भएको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिए । 

ईभी गाडीमा सवार उदयपुरको त्रियुगा नगरपालिका ११ की ४३ बर्षीया रुक्मा बस्नेत खड्का, लालपत्ता गाउँपालिका ६ की २९ बर्षीया रोशनी माया तामाङ, त्रियुगा नगरपालिका १० की ७० बर्षीया सकुन्तला बस्नेतका सोहि स्थानकी १६ बर्षीय आकृत खड्का वडा नम्बर ६ की ३५ बर्षीया तारा बि.क., वडा नम्बर ११ की ३७ बर्षीया बिन्दा कटुवाल, ७ बर्षीय सिजु राउत, रौतामाई गाउँपालिका २ का १७ बर्षीय योन्जन खड्का र दुधौली नगरपालिका ८ की ४८ बर्षीया चुडा कुमारी मिश्र घाईते भएका छन् । घाइतेहरूलाई केहीलाई काठमाडौंस्थित ट्रमा सेन्टर पठाईएको र केही घाईतेहरुको सिर्थौली नगर अस्पतालमा उपचार भईरहेको प्रहरीले जनाएको छ ।

प्रहरीले ईभी गाडी चालक उदयपुर त्रियुगा नगरपालिका ६ बस्ने ३८ वर्षीय विरेन्द्र कुमरलाई नियन्त्रणमा लिएको छ 
 

सिन्धुलीको भिमानबाट लागु औषध सहित एक जना पक्राउ 

रेडियो सिन्धुलीगढी, २० चैत २०८१, बुधबार । ईलाका प्रहरी कार्यालय भिमानबाट खटिएको प्रहरीे टोलिले लागु औषध सहित एक जनालाई पक्राउ गरेको छ । पक्राउ

राजावादी प्रदर्शनका क्रममा भएको हत्याको जिम्मेवारी ज्ञानेन्द्रले लिनुपर्छ : प्रचण्ड

सिन्धुली । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले चैत १५ गते तिनकुनेमा राजावादी प्रदर्शनका क्रममा भएको हत्याको जिम्मेवारी

सिन्धुलीमा गाडीको ठक्करबाट सरसफाई कर्मचारीको मृत्यु

रेडियो सिन्धुलीगढी, १७ चैत २०८१, आईतबार । वीपी राजमार्गअन्तर्गत सिन्धुलीको कमलामाई नगरपालिका ६ को रातमाटा घुम्ती नजिक योद्धा गाडीले ठक्कर दिदाँ