Radio Sindhuligadhi 92 MHz

पशुहरुलाई खोरेत रोग विरुद्धको खोप लगाईदै

रेडियो सिन्धुलीगढी, ११ माघ २०८१, शुक्रबार ।

सिन्धुलीको तीनपाटन गाउँपालिकामा पशुहरुलाई खोरेत रोग विरुद्धको खोप लगाईने भएको छ । पशुसेवा कार्यालय सिन्धुलीको सहयोग तथा तीनपाटन गाउँपालिकाको आयोजनामा पशुहरुलाई खोरेत रोग विरुद्धको खोप लगाउँन लागिएको हो ।

गाउँपालिकाले एक सुचना जारी गर्दै पालिका भित्रका व्यवसायिक पशुपालन फर्म तथा साना किसानहरुले पालन गरेका गाई, भैसी, भेडा, बाखा्र र बङ्गुरहरुलाई खोरेत रोग विरुद्धको खोप लगाउँन लागिएको जनाएको छ ।

आउँदो आईतबार र सोमबार तीनपाटन गाउँपालिकाको वडा नम्बर १, माघ १५ र १६ गते वडा नम्बर २, माघ २० र २१ वडा नम्बर ३, २२ गते वडा नम्बर ४, २३ र २४ गते वडा नम्बर ५ र २५ र २७ गते वडा नम्बर ६ मा खोप अभियान संचालन गरि पशुहरुलाई खोरेत रोग विरुद्धको खोप लगाईने छ ।

साथै, माघ २८ गते वडा नम्बर ७, २९ गते वडा नम्बर ८, ३० गते वडा नम्बर ९, फागनु १ गते वडा नम्बर १० र २ गते ११ नम्बर वडाका गाई, भैसी, भेडा, बाखा्र र बङ्गुरहरुलाई खोप लगाईने गाउँपालिकाले जारी गरेको सुचनामा उल्लेख गरिएको छ ।

गाउँपालिकाले आफ्नो पशुधनको सुरक्षाका लागी समयमै खोप लगाउँन सूचना मार्फत पशुपालक कृषकलाई अनुरोध गरेको छ ।