Radio Sindhuligadhi 92 MHz

चिर्पट प्रहार गरी सिन्धुलीमा एक जनाको हत्या

सिन्धुली ।

सिन्धुलीमा चिर्पट प्रहार गरी एक जनाको हत्या गरिएको छ । गत आइतवार राती घ्याङलेख २ चालिसेबगरका आशमान वाइबा र भुन्टे भन्ने ज्ञानबहादुर वाइबाले चिर्पटले हान्दा सोही ठाउँका ३० वर्षीय टिकाबहादुर बुढाथोकीको ज्यान गएको हो ।

काठको दाउराको चिर्पटले हान्दा एक जना गम्भीर घाइते भएको खबर प्राप्त हुनासाथ इलाका प्रहरी कार्यालय बस्तिपुरबाट प्रहरी निरीक्षकको कमाण्डमा टोलि खटि गई घाइतेलाई उपचारका लागी सिन्धुली अस्पताल पठाईएको थियो । घाईते बुढाथोकीको उपचारको क्रममा हिजो सोमबार मृत्यु भएको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिनुभयो । उक्त घटनामा संम्लग्न आशमान वाइबा र ज्ञानबहादुर वाइबालाई पक्राउ गरिएको छ ।