Radio Sindhuligadhi 92 MHz

प्राथमिक स्वास्थ्य केन्द्र बेलघारीमा निशुल्क आँखा शिविर सम्पन्न

रेडियो सिन्धुलीगढी, १९ मंसिर २०८०, मंगलबार ।

सिन्धुलीको तीनपाटन गाउँपालिका वडा नम्बर १ मा रहेको प्राथमिक स्वास्थ्य केन्द्र बेलघारीमा एक दिने निशुल्क आँखा शिविर सम्पन्न भएको छ । नेपाल रेडक्रस सोसाइटी सिन्धुली जिल्ला शाखाकाको आयोजना एंव तिलगंगा आँखा प्रतिष्ठान, काठमाडौ र जानकी आँखा अस्पताल जनकपुरको प्राविधिक तथा आर्थिक सहयोगमा भएको शिविर आज (मंगलबार) सम्पन्न भएको हो ।

शिविरबाट वडा नम्बर १ बेलघारी र वडा नम्बर २ को साखामाडी, पैरै, कदमेका ३ सय ३५ जनाले सेवा लिएका छन भने १ सय ३४ जनालाई चम्मा वितरण गरिएको छ । २४ जना मोतिबिन्दुका बिरामी भेटिएको छ ।

शिविरबाट छानिएका मोतिबिन्दु भएका बिरामीहरुका लागी आउँदो पुष ६ र ७ गते नेपाल रेडक्रस सोसाइटी सामुदायिक आँखा उपचार केन्द्र सिन्धुलीमा निशुल्क अपरेशनको व्यवस्थापन गरिएको यशष्कर रामजी सुवेदीले जानकारी दिनु भयो ।