Radio Sindhuligadhi 92 MHz

कमलामाई नगरपालिकाको २८ औ स्थापना दिवस मनाईयो

रेडियो सिन्धुलीगढी, १४ चैत २०८१, बिहिबार ।

सिन्धुलीको कमलामाई नगरपालिकाको २८ औ स्थापना दिवस भव्यताका साथ मनाईएको छ । कमलामाई नगरपालिकाका नगरप्रमुख उपेन्द्र कुमार पोखरेलको अध्यक्षता तथा प्रमुख जिल्ला अधिकारी लिला प्रसाद शर्माको प्रमुख आतिथ्यतामा २८ औ स्थापना दिवस मनाईएको हो ।

कार्यक्रममा शुभकामना मन्तव्य राख्नु हुदै प्र्रमुख प्रशासकिय अधिकृत विनोद भट्टराईले नागरिकको चाहाना र आवश्यकतालाई नगरको स्रोत साधन सँग तालमेल मिलाई अधिकतम उपलब्धीकालागी लागि परिरहने प्रतिवद्धता व्यक्त गर्नुभयो ।

कमलामाई नगरपालिकाकी उपप्रमुख मञ्जु देवकोटाले शिक्षा क्षेत्रमा गुणस्तरता ल्याउँनका लागी विद्यालय निमार्ण भन्दा पनि विद्यार्थी संख्याका आधारमा विद्यालयलाई मर्ज गरिदै लगिएको बताउँनु भयो ।उहाँले हरेक वडामा रहेका बेरोजगार युवाहरुलाई रोजगारीमा जोड्नका लागी नगरपालिकाले स्वरोजगारका कार्यक्रमहरु संचालन गरेको पनि बताउँनु भयो ।
यस्तै, प्रमुख जिल्ला अधिकारी शर्माले साझेदारीमा आधारित विकास र पुर्वाधारका कामलाई अगाडी बढाउँन ढिला गर्न नहुनले तर्फ राख्नु भयो ।

कार्यक्रममा कृषि क्षेत्रलाई मजबुत बनाउँन यसैबर्षबाट किसानलाई सुचिकरण गरिने बताउँदै नगर प्रमुख पोखरेलले बास्तविक किसानको पहिचान गरि उनीहरुको परम्परागत कृषि ज्ञानलाई आधुनिक पद्धत्ति संग जोडेर अनुदान र सहुलियत मार्फत उपभोगी कृषि कर्मलाई व्यवसाय मुखी बताउँने सुचिकरण गर्न लागिएको बताउँनु भयो ।

नगरपालिकाले दिवसको अबसरमा भलिबल, ब्याडमिन्टन, चम्चा दौड, हाडी फुटाई, म्युजिकल चियर लगायतका प्रतियोगिताहरुको आयोजना गरेको थियो । सो प्रतियोगितामा प्रथम, द्धितिय र तृतिय स्थान हासिल गर्न सफल सम्पुर्ण कर्मचारीलाई नगद, शिल्ड सहित सम्मान पत्र प्रदान गरिएको छ ।

कार्यक्रममा १४ वटै वडाका वडा अध्यक्षहरु, कार्यपालिका सदस्यहरु, पालिकाका कर्मचारहरु लगायतको उपस्थिति रहेको थियो ।