Radio Sindhuligadhi 92 MHz

सामाजिक सुरक्षा भत्ताको नविकरण नगरेको प्रति एमाले हरिहरपुरगढी गाउँकमिटिको आपत्ति

रेडियो सिन्धुलीगढी, २६ फागुन २०८१, सोमबार ।

सामाजिक सुरक्षा भत्ताको नविकरण नगरेको प्रति नेपाल कम्युनिष्ट पार्टी एमाले हरिहरपुरगढी गाउँपालिका कमिटिले आपत्ति जनाएको छ । गाउँपालिकाको वडा नं ४ मा बसोबास गर्ने ३७ जना जेष्ठ नागरिक र शारीरिक रुपमा अशक्त तथा एकल महिलाहरुको भत्ताको नविकरण नगरेको प्रति नेकपा एमाले गाउँ कमिटिले गम्भीर आपत्ती प्रकट गरेको हो ।

नेकपा एमाले हरिहरपुरगढी गाउँ कमिटिका अध्यक्ष मान बहादुर वाइबाद्धारा हस्ताक्षरित प्रेस विज्ञप्तीमा जनप्रतिनिधिको लापरबाही र वडा सचिब जित माया घिसिङ्को असक्षमता र पुर्वाग्राही सोचका कारण भत्ताको नविकरण नभएको उल्लेख गरिएको छ ।

विज्ञप्तीमा पुर्वाग्राही सोच राख्ने वडा सचिब घिसिङ तथा संलग्न सबैलाई छानबीन गरी कारबाही गर्न माग गरिएको छ ।

साथै, नियतबस छुटाएका ३७ जना लाभग्राहीरुको भत्ता, तुरुन्त नविकरण गर्न र छुटेको अबधिको भत्ता समेत उपलब्ध गराइदिन पालिकासमक्ष नेकपा एमाले गाउँ कमिटिले विज्ञप्ती मार्फत आग्रह गरेको छ ।