Radio Sindhuligadhi 92 MHz

जडीबुटी खोज्न जाँदा भिरबाट लडेर मरिणमा ५८ बर्षीय पुरुषको मृत्यु

रेडियो सिन्धुलीगढी, ०२ असार २०८१, आईतबार ।

सिन्धुलीमा जडीबुटी खोज्न जाँदा लडेर एक जना पुरुषको मृत्यु भएको छ । मरिण गाउँपालिका २ कटनडाँडा बस्ने ५८ वर्षीय टेक बहादुर दंगालीको भीरबाट लडेर मृत्यु भएको हो ।

अस्ति शुक्राबार दिउँसो टेक बहादुर जडीबुटी खोज्न घरबाट हिँडेका थिए । राती अबेर सम्म पनि घर नआएपछि हिजो शनिवार बिहान स्थानीय तथा आफन्तहरूले खोजतलास गरेका थिए । खोजी गर्दै जाने क्रममा घर देखि ७ किलोमिटर पूर्व तर्फ रहेको मुंग्रेशिर भिर खाँेचमा मृत अवस्थामा उनलाई देखेपछि स्थानीयले प्रहरीलाई खबर गरेका थिए ।

घटनास्थलमा तत्काल इलाका प्रहरी कार्यालय कपिलाकोट बाट प्रहरी टोली खटी गएको र मुचुल्का पस्चात प्राथमिक स्वास्थ्य केन्द्र कपिलाकोटमा ल्याई पोष्टमाटम गरी आफन्तलाई शव जिम्मा लगाइएको जिल्ला प्रहरी कार्यालय सिन्धुलीले जनाएको छ ।