Radio Sindhuligadhi 92 MHz

टोल विकास स्तरीय भलिबल प्रतियोगितामा आयोजक रातमाटा प्लानिङ विजयी

रेडियो सिन्धुलीगढी, ३० असोज २०८३, शुक्रबार ।

टोल विकासस्तरीय भलिबल प्रतियोगितामा आयोजक रातमाटा प्लानिङ टोल विकास संस्था विजयी भएको छ । आज (शुक्रबार) भएको खेलमा कृष्ण नगर टोल विकास संस्थालाई हराउँदै आयोजक रातमाटा प्लानिङ टोल विकास संस्था विजयी भएको हो ।

वेष्ट अफ फाइभको पहिलो खेलमा कृष्ण नगरले ३१-२९ को रोमान्चक जित निकालेको थियो । तर रातमाटा प्लानिङले दोस्रो, तेस्रो र चौथो सेटमा २५-१६, २५-२१ र २५-२० अंकले लगातार जित निकालेर विजयी भएको छ ।

विजयी भएसंगै रातमाटा प्लानिङले दशै खसी, उपविजेता भएको कृष्ण नगरले १० हजार रुपैयाँ नगद सहित मेडल र प्रमाण पत्र समेत प्राप्त गरेको छ । साथै तृतीय भएको माढीबजार टोल विकास संस्थालाई पुरस्कार स्वरुप नगद ७ हजार रुपैयाँ सहित मेडल र प्रमाण पत्र प्रदान गरिएको आयोजकले जनाएको छ ।