Radio Sindhuligadhi 92 MHz

आयुर्वेद सेवाको प्रवर्धन गर्न पत्रकारहरुसँग अन्तरक्रिया

रेडियो सिन्धुलीगढी, ०६ चैत २०८१, बुधबार ।

आयुर्वेद सेवाको प्रवर्धन गर्न जिल्लाका पत्रकारहरुसँग अन्तरक्रिया गरिएको छ । आयुर्वेद तथा वैकल्पिक चिकित्सालय सिन्धुलीको आयोजनामा सिन्धुलीका पत्रकारहरुसँग अन्तरक्रिया गरिएको हो ।

अन्तरक्रिया कार्यक्रममा आयुर्वेद तथा वैकल्पिक चिकित्सालय सिन्धुलीका निमित्त प्रमुख दिपक राज तिमिल्सनाले आयुर्वेद स्वास्थ्य केन्द्रबाट संचालित सेवाहरु, आर्थिक बर्ष २०८१ र ८२ मा सञ्चालन गरिएको कार्यक्रम, अबको आर्थिक बर्षमा संचालन हुने कार्यक्रमको बारेमा जानकारी दिनु भएको थियो ।

कार्यक्रमलाई सम्बोधन गर्नु हुदै प्रमुख जिल्ला अधिकारी लिला प्रसाद शर्माले मुख्यमन्त्री जनता स्वास्थ्य कार्यक्रम मार्फत निशुल्क रुपमा धेरै सेवाहरु प्रदान गरिदै आईएपनि दुरदराजका नागरिकहरु अझैपनि जानकार नरहेकाले प्रचार प्रसार गरिदिन पत्रकारहरुलाई आग्रह गर्नुभयो ।

आयुर्वेद तथा वैकल्पिक चिकित्सालय सिन्धुलीबाट हाल बहिरंग सेवा, भिडियो एक्सरे ९अल्ट्रसाउन्ड० सेवा, निशुल्क फिजियोथेरापी सेवा, ल्याब सेवा, अग्नि कर्म र वस्तिकर्म सेवा, अकुपन्चर सेवा, क्षारसुत्र सेवा, निःशुल्क औषधी वितरण तथा फार्मेसी सेवा, पुर्वकर्म र पंचकर्म सेवा, जेष्ठ नागरिक स्वास्थ्य प्रर्वधन सेवा, स्तनपायी आमाहरुका लागी स्तन्यवर्घक आयुर्वेद औषधी वितरण, निशुल्क पथ्य आहार कार्यक्रम, मुख्य मन्त्री जनता स्वास्थ्य कार्यक्रम, जीवनशैली परामर्श तथा स्वस्थ जीवन कार्यक्रम, जानुसन्धीगत वात पुनस्र्थापना कार्यक्रम, नशुल्क स्वर्णविन्दु प्राशन कार्यक्रम, निःशुल्क योग परामर्श लगायतको सेवा प्रदान गरिदै आईएको छ ।

आयुर्वेद तथा वैकल्पिक चिकित्सालय सिन्धुलीबाट माघ सम्ममा १५ हजार ९५ जनाले सेवा लिएका छन् ।

आयुर्वेद तथा वैकल्पिक चिकित्सालय सिन्धुलीका निमित्त प्रमुख दिपक राज तिमिल्सनाको अध्यक्षता तथा प्रमुख जिल्ला अधिकारी लिला प्रसाद शर्माको प्रमुख आतिथ्यतामा भएको कार्यक्रममा जिल्लाका विभिन्न संचारमाध्यममा आवद्ध संचारकर्मी, आयुर्वेद तथा वैकल्पिक चिकित्सालयका कर्मचारी लगायतको सहभागीता रहेको थियो ।