पालिका स्तरीय बाल भेला कार्यक्रम सम्पन्न

radiosindhuligadhhi

रेडियो सिन्धुलीगढी, ०४ असार २०८१, मंगलबार । 

सिन्धुलीको कमलामाई नगरपालिकामा पालिका स्तरीय बाल भेला तथा बाल सञ्जाल गठन कार्यक्रम सम्पन्न भएको छ । बाल अधिकार महासन्धिले उल्लेख गरेका न्यूनतम अधिकार बाल बचाउ, बाल संरक्षण, बाल विकास र बाल सहभागीताकाको अधिकार सुनिश्चितको गर्न नगरपालिकाले वार्षिक योजना तर्जुमा प्रक्रियामा बालबालिका लक्षित कार्यक्रमको योजना निमार्णमा सहयोग पुग्ने उदेश्यले बाल भेला आयोजना गरिएको महिला बालबालीका तथा समाज कल्याण शाखाका बाल कल्याण अधिकारी इन्दिरा कुमारी थापाले जानकारी दिनुभयो । 

भेलाबाट पालिका स्तरिय बाल सञ्जाल गठन हुने छ र सञ्जालले आगामी आर्थिक वर्षको लागी बालबालिका लक्षित कार्यक्रको योजना बनाई पालिकामा पेश गर्नेछ । बाल भेलाको पहिलो सत्रमा कमलामाई नगरपालिकाका प्रमुख प्रशासकीय अधिकृत सुमन कुमार कार्कीले नगरपालिकाको बालबालीकाको हालको अवस्था र बाल अधिकार सुनिश्चित गर्न बाल क्लव र बाल सञ्जालको काम कर्तब्य र अधिकारको बारेमा सहजीकरण गर्नु भएको थियो । 

प्लान इन्टरनेशनल नेपाल र हेण्डस नेपाल सिन्धुलीको सहयोग र कमलामाई नगरपालिका सिन्धुलीको आयोजनामा संचालित बाल भेलामा कमलामाई नगरपालिका १ देखी १४ वडाका ६५ जना बालबालिकाहरुको सहभागीता रहेको थियो । यस भेलाले कुशल थापा (दिवस) को अध्यक्षतामा २१ सदस्यीय बाल सञ्जाल गठन गरेको छ । 

कमलामाई नगरपालिकाकी उप प्रमुख श्री मञ्जु देवकोटाको अध्यक्षता तथा कमलामाइ नगर प्रमुख उपेन्द्र कुमार पोख्रेलको विशिष्ट आतिथ्यतामा भएको कार्यक्रममा वडा नंं ५,६ र ९ का वडा अध्यक्ष, विभिन्न शाखा प्रमुखहरुको उपस्थिति रहेको थियो ।

प्रतिकृया दिनुहोस
radiosindhuligadhhi

होटलमा एक पुरुष मृत फेला

रेडियो सिन्धुलीगढी, २२ असार २०८१, शनिबार । सिन्धुलीको कमलामाई नगरपालिका ६ राममाडीमा रहेको मुस्कान होटलमा एक जना पुरुष मृत फेला परेका छन् । मृत फेला

radiosindhuligadhhi

कमलामाई नगरपालिका ९ का एकल महिलाहरुले पाए विद्युतीय चुलो 

रेडियो सिन्धुलीगढी, १७ असार २०८१, सोमबार ।  सिन्धुलीको कमलामाई नगरपालिका वडा नम्बर ९ का एकल महिलाहरुलाई विद्युतीय चुलो वितरण गरिएको छ । आर्थिक बर्ष

radiosindhuligadhhi

आयुर्वेद सेवाको प्रवर्धन गर्न पत्रकारहरुसँग अन्तरक्रिया 

रेडियो सिन्धुलीगढी, १३ असार २०८१, बिहिबार ।  आयुर्वेद सेवाको प्रवर्धन गर्न स्थानीय स्तरका पत्रकारहरुसँग अन्तरक्रिया गरिएको छ । आयुर्वेद तथा