Radio Sindhuligadhi 92 MHz

हरिहरपुरगढी गाउँपालिकामा घर आगलागी हुँदा एक लाख बढीको क्षति

रेडियो सिन्धुलीगढी, ३० साउँन २०८१, बुधबार ।

सिन्धुलीको हरिहरपुरगढी गाउँपालिका १ माथिल्लो चिसापानीमा रहेको उमेश गोलेको घरमा आगलागी हुँदा १ लाख रुपैयाँ बढीको क्षति भएको छ । गोलेको दुई तले काठको कच्ची घरमा आगलागी हँदा एक लाख चालिस हजार रुपैयाँ बराबरको क्षति भएको हो ।

मंगलबार दिउँसो १.२० बजेको समयमा भान्साको चुलोबाट आगो सल्किदाँ घर जलेर पुर्ण रुपमा क्षति भएको जिल्ला प्रहरी कार्यालय सिन्धुलीका प्रहरी निरिक्षक केशब कुमार कटुवालले जानकारी दिनुभयो ।

आगलागीबाट गोलेको घरमा रहेको अन्नपात, लत्ताकपडा, भाँडाकुँडा तथा कच्चीघर पुर्ण रुपमा जलेर नष्ट भएको छ । प्रहरी र स्थानीयको सहयोगमा आगो नियन्त्रणमा लिएको हुनाले मानवीय तथा पशुचौपायमा क्षति नभएको प्रहरीले जनाएको छ ।